Undanfarið hefur kolvitlaust veður gengið yfir landið. Samgöngur hafa verið í lamasessi á landinu, vegir lokast og flugsamgöngur að mestu leyti legið niðri. Nú gengur veðurofsinn yfir suðvesturhorn landsins og fengu íbúar höfuðborgarsvæðisins að kynnast því þegar þeir vöknuðu í gærmorgun.


Í byrjun vikunnar fengu íbúar Norður og Vesturlands heldur betur að finna fyrir aftakaveðri á heiðum sem og í byggð. Akureyringar hafa ennfremur þurft að glíma við svipað veður í vetur og íbúar höfuðborgarsvæðisins fengu að kenna á í morgun.

En í gærmorgun vöknuðu íbúar höfuðborgarsvæðisins  heldur betur upp við kolvitlaust veður. Í efri byggðum borgarinnar var ófært, götur lokuðust og sennilega hefur verið fámennt á vinnustöðum í morgun enda margir fastir í umferðarteppu.

Fréttamiðlar hafa auk þess flutt fréttir af vonskuveðri og hefur lögreglan hvatt fólk til þess að vera ekki á ferðinni nema brýnustu nauðsyn beri til. Almenningssamgöngur hafa fallið niður utan höfuðborgarsvæðisins og miklar seinkanir eru á strætóferðum innan borgarinnar.

Það er á stundum sem þessum þegar fólk þarf að vera heima við vegna veðurs sem gott er að eiga kexið frá Kexsmiðjunni upp í skáp. Þá er ekkert annað að gera heldur en að halda kyrru fyrir heima við og finna sér eitthvað til dundurs, hita sér gott kaffi og gæða sér á kexinu frá Kexsmiðjunni og bíða þess að veðurofsinn gangi yfir en samkvæmt veðurstofunni á að lægja seinnipartinn eða með kvöldinu.  

Deila |