Íslandskex með súkkulaði er gott að hafa meðferðis þegar farið er í berjamó.Eftir verslunarmannahelgina finnst sumum eins og sumarið sé nánast liðið. En miðað við hitatölur í dag er það þó víðs fjarri þar sem hitinn fór upp í tæp 30 stig á Austurlandi. Þótt jafnan sé aðeins kaldara síðsumars en yfir hásumarið og sumir dragi því úr ferðalögum og útilegum þá er ýmislegt hægt að finna sér til dundurs.

Nú er runninn upp sá árstími þegar upplagt er að skreppa út fyrir borgina til að fara í berjamó. Ekki þarf að fara langt því að góð berjalönd eru víða skammt frá höfuðborgarsvæðinu.

Áður fyrr þótti óbrigðult ráð færu rækjust menn á könguló í berjamó að fara með eftirfarandi vísustúf: „Könguló, könguló, vísaðu mér á berjamó. Annars skal ég drepa þig og alla unga þína.“ Síðan eltu menn einfaldlega köngulóna og undantekningarlaust var þess ekki langt að bíða að hún vísaði veginn á gjöful berjalönd.

Í berjamó hleypur mönnum oft kapp í kinn og lendi menn í góðu berjalandi getur heimferð oft dregist enda menn ófúsir að yfirgefa góð berjalönd. Þess vegna er nauðsynlegt að hafa með sér nesti þegar menn vilja kasta mæðunni milli berjatínslunnar. Þá er gott að hafa með sér eitthvað heitt á brúsa eins og kaffi eða kakó og ekki er verra að hafa eitthvað sætt til að maula og er Íslandskex Kexsmiðjunnar sérstaklega hentugt í slíkum ferðum. Það þekkja þeir sem hafa farið í berjamó að fátt jafnast á við að sitja út í guðsgrænni náttúrunni og gæða sér á ljúffengu Íslandskexi með súkkulaði meðan maður safnar kröftum fyrir næstu lotu í berjatínslunni.

Þú færð Íslandskex með súkkulaði frá Kexsmiðjunni í næstu verslun.

Deila |