Veganestið frá Kexsmiðjunni er gottVeganesti Kexsmiðjunnar hlaut afar góðar viðtökur þegar það kom á markað í fyrra. Það eru augljóslega margir sem kunna að meta gott, gamaldags bakkelsi í handhægum umbúðum sem þægilegt er að grípa með sér á ferðinni.

Í samræmi við þarfir viðskiptavina, hefur talsverð endurnýjun farið fram í vöruframboði undir Veganestismerkinu og nú býðst ferns konar biti í bílinn eða lautarferðina: Kanilsnúður, Vínarbrauð, Súkkulaðidraumur og Múslíkaka. Allt sérpakkað í handhægar umbúðir til að stinga niður í veskið, sundpokann, bakpokann eða taka bara beint í bílinn. Kanilsnúð og Vínarbrauð þarf vart að kynna fyrir viðskiptavinum Kexsmiðjunnar, enda með vinsælustu vörum fyrirtækisins, og allir aðdáendur vita að hér er á ferð bakkelsi sem er alveg sér á parti.

Kexsmiðjan er öflug þegar kemur að nýjungum og nú hafa bæst í vöruúrvalið gómsætar kökur sem eiga örugglega eftir að slá í gegn hjá Íslendingum í sumar; Súkkulaðidraumur og Múslíkaka.

Veganestið bíður þess á næsta sölustað að slást með í för í sumar. Góðar stundir!

Deila |