Hjónabandssæla frá Kexsmiðjunni
Hjónabandssæla frá Kexsmiðjunni fær fólk til að brosa

Sæla er gott ástand. Það er ástandið sem við óskum öðrum þegar við segjum komdu sæll/sæl eða vertu sæll/sæl.

Eins og þegar fólk býður góðan dag, felst í kveðjunni ósk um að viðmælandinn hafi það gott og sé sælumegin í lífinu. Kveðjan hlýjar og fær viðtakandann til að brosa – og þá er tilganginum náð.

Hjónabandssælan frá Kexsmiðjunni fær fólk líka til að brosa. Hún er mjúk og ljúffeng með ískaldri mjólk eða góðum kaffibolla. Hjónabandssæla er líka minning um gamla tíma. Góðar minningar sem gott er að rifja upp.

Fáðu þér gamaldags hjónabandssælu frá Kexsmiðjunni og rifjaðu upp sæluminningar henni tengdar. Verið þið sæl!

Deila |