Árið 1971 sungu systkinin Ellý og Vilhjálmur Vilhjálmsbörn inn á tólf laga jólaplötu sem Svavar Gests hjá SG hljómplötum gaf út. Hljóðritun fór fram í Ríkisútvarpinu undir stjórn Péturs Steingrímssonar en Jón Sigurðsson sá um útsetningu og hljómsveitarstjórn.

Jólalögin voru á þessum tíma þegar þekkt í flutningi annarra. Þarna var margt góðra alíslenskra laga í bland við erlend með íslenskum textum eftir Ómar Ragnarsson og fleiri á borð við Gefðu mér gott í skóinn, Hvít jól, Hátíð í bæ, Litla jólabarn og Ég sá mömmu kyssa jólasvein.

Þetta var fjórða og síðasta platan sem þau systkinin sungu saman inn á. Platan sló í gegn og varð jólaplata ársins 1971. Vinsældir sumra laganna hafa ekkert dalað síðan þetta var og hefur platan verið endurútgefin með nokkuð reglulegu millibili í þau rúmlega 40 ár sem liðin eru síðan hún kom út enda ofarlega á lista hjá landsmönnum yfir bestu jólaplöturnar sem komið hafa út á Íslandi.

Nú eru þegar einhverjir farnir inn í geymslu til að gramsa eftir jólaplötum liðinna ára enda fátt sem yljar fólki um hjartaræturnar um aðventuna og gömlu góðu lögin. Smákökur eru nauðsynlegur hluti af undirbúningi jólanna. Kexsmiðjan hjálpar til við jólaundirbúninginn með nokkrum tegundum af smákökum sem eru að koma í hillur verslana fyrir jólin. Þar á meðal eru ómótstæðilegir kókostoppar með súkkulaðibráð sem gerðir eru eftir gömlu góðu uppskriftunum en að sjálfstöðu transfitusýrusnauðar.

Settu kókostoppana frá Kexsmiðjunni í innkaupakörfuna næst þegar þú verslar í matinn. Enda er fátt huggulegra en að narta í kókostoppa þegar gesti ber að garði og rifja upp liðna tíð með jólaplötu Ellý og Vilhjálms í bakgrunni.

Deila |