Mörgum finnast skyrtertur alveg ómótstæðilegar. Þær eru frábærar með kaffinu eða sem eftirréttur á góðri stund. Skyrtertur finnast í öllum stærðum og gerðum  eins og bláberjaskyrterta, sólberjaskyrterta, og hindberjaskyrterta. 

Hér að neðan er uppskrift að frábærri jarðaberjaskyrtertu sem er að sjálfsögðu með heilhveitikexi frá Kexsmiðjunni:

Uppskrift að jarðaberjaskyrtertu:

75 g smjör

150 g Kexsmiðju heilhveitikex

2 egg

140 g sykur

500 g jarðaberjaskyr

safi úr ½ sítrónu

2,5 dl rjómi

8 blöð af matarlími

 

Aðferð:

Myljið kexið, bræðið smjörið og blandið öllu saman. Setjið kex og smjör í form með lausum botni og kælið. Bleytið matarlímið í köldu vatni í 10 mínútur. Því næst er vatninu hellt af matarlíminu og það brætt með ½ dl af heitu vatni.

Þeytið rjómann og hrærið saman skyrið og eggin. Hellið matarlíminu út í skyrblönduna, bætið þeytta rjómanum við og hrærið varlega. Hellið fyllingunni á botn formsins og  látið stífna í ísskápnum.

Þegar skyrtertan er borin fram er tilvalið að skreyta hana með bláberjum.

 

Verði ykkur að góðu!

 

 

Deila |